ပန်းပုပညာရှင်တစ်ယောက်ဖြစ်တဲ့ ဂျက်စ်ဟာ ငယ်စဉ်ဘဝက အပျော်အပါးနဲ့ မူးယစ်ဆေးစွဲလမ်းမှုတွေကြောင့်
သမီးငယ်ဖြစ်သူခလိုဝီရဲ့ အုပ်ထိန်းခွင့်ကိုဆုံးရှုံးခဲ့ရသူတစ်ဦးဖြစ်ပါတယ်။
သမီးငယ် ခလိုဝီဟာငယ်စဉ်ကတည်းက ကလေးဂေဟာမှာ သူငယ်ချင်းတွေနဲ့အတူနေခဲ့ရတာကြောင့် အမေဖြစ်သူကို နာကျည်းနေခဲ့သူတစ်ဦးဖြစ်ပါတယ်။
တစ်ညမှာ ခလိုဝီရယ် သူ့သူငယ်ချင်းတွေဖြစ်ကြတဲ့ ဒန်နဲ့ မိုက်ကယ်ဟာ ရပ်ကွက်ထဲမှာ စုန်းမကြီးလို့အမည်ထွက်နေတဲ့
ဆံနီဖာလားအမျိုးသမီး “မေရီအမီနော့ဖ်” ခေါ် “ဂျင်ဂျာ” ဆိုတဲ့သူရဲ့အိမ်ကို ညညတိုင်းတံခါးသွားခေါက်ကြပါတယ်။
အစကတည်းက “တစ်ခါခေါက်ရင်စုန်းမကြီးနိုး၊ နှစ်ခါခေါက်ရင်စုန်းမကြီးကိုယ့်နောက်လိုက်လာမယ်” လို့ နာမည်ကြီးနေတဲ့အိမ်ကိုမှ
သွားစခဲ့ကြတဲ့ကလေးတစ်သိုက်ဟာ အဖြစ်ဆိုးနဲ့ကြုံခဲ့ရပါတယ်။
တံခါးကိုခေါက်ပြီး နောက်နေ့ကျမှာပဲ သူငယ်ချင်းသုံးယောက်ထဲက မိုက်ကယ်ဟာ စဆုံးမရှိပျောက်သွားခဲ့ပါတယ်။
ဒီလိုနဲ့ခလိုဝီနဲ့ ဒန်တို့နှစ်ယောက်ပဲကျန်ပြီး ၁၀ နှစ်ကျော်တဲ့အခါမှာ ဂျင်ဂျာရဲ့အိမ်ကိုပဲ ထပ်ပြီးတံခါးသွားခေါက်ခဲ့ပြန်ပါတယ်။
ဒီတစ်ခါမှာလည်းပဲ တံခါးခေါက်ပြီး ရက်ပိုင်းအကြာမှာ ဒန်က ပျောက်သွားခဲ့ပြန်ပါတယ်။
ဒန်ပျောက်သွားပြီမကြာခင်မှာပဲ ခလိုဝီလည်း သဘာဝလွန်ဖြစ်ရပ်တွေနဲ့ဆက်ပြီးကြုံတွေ့လာရပါတယ်။
ဒီလိုနဲ့ပဲ ခလိုဝီနဲ့ သူ့ရဲ့ပါဝင်ပတ်သက်ခဲ့မှုတွေဟာ ၁၀ အကျော်မှာ ပြန်ဆုံတွေ့ခဲ့တဲ့ ခလိုဝီရဲ့အမေကိုပါ ဘယ်လိုယှက်ထွေးသွားမလဲဆိုတာကို ရင်တလှုပ်လှုပ်နဲ့ရှုစားကြရမှာပဲဖြစ်ပါတယ်။